Inkuru yavugaga ko Saweetie yongeye gukundana na Quavo ubarizwa mu itsinda rya batatu (Trio rappers) mu gihe amezi atanu ashize badacana uwaka. Iyo nkuru igira iti:”Saweetie na Quavo bari mu rukundo nyuma y’amezi atanu batandukanye”.
Saweetie yifashishije Twitter ye yasubije icyo kinyamakuru ko”inkuru y’ibinyoma”. Quavo ni umwe mu baraperi bakize akaba abarirwa miliyoni $80. Ni umwe muri batatu bagize Migos yashinzwe mu 2008 ikaba irimo Offset, Takeoff na Quavo. Saweeetie yamenyekanye mu 2017 ubwo yasohoraga indirimbo yise”Icy Grl”. Yahise ahabwa icyemezo (platinum certification) gitangwa n’ubuyobozi bushinzwe umuziki muri Amerika (Recording Industry Association of America (RIAA). Ubusanzwe igihembo cya platinum certification gihabwa umuhanzi/kazi wagurishije miliyoni ya kopi (copy, cds, streams) kuri album imwe cyangwa se ku ndirimbo imwe igacuruzwa miliyoni ebyiri.
Quavo yatandukanye na Saweetie bitewe nuko uyu mukobwa yahoraga anenga ko umukunzi we amuca inyuma. Urukundo rwabo rwatangiye kumenyekana mu 2018 batandukana muri Werurwe ya 2021. Uko bateratenye byatangiye Quavo yandikira (DM) uyu mukobwa birangira bemeranyije gukundana.
