Ibitego 4-0 mu mukino waraye ubereye i Roma mu Butaliyani, bivuze ko ubu bugeze ku ntambwe nk'iyo bwateye bugera muri kimwe cya kabiri cy'igikombe cy'isi cyo mu 2018 mu Burusiya, ndetse no mu irushanwa rya Nations League mu 2019.
Southgate yabwiye BBC Sport ati: "Birarenze". "Ntekereza ko ngikomeje kubyiyumvisha ko ari ikindi kimwe cya kabiri tugezemo inshuro eshatu mu myaka itatu".
Ibitego by'Ubwongereza byinjijwe na kapiteni Harry Kane ku munota wa 4 n'uwa 50, ndetse na Harry Maguire ku munota wa 46 na Jordan Henderson ku munota wa 63.
Ubwongereza buzahura na Denmark muri kimwe cya kabiri mu mukino uzabera i Wembley ku wa gatatu. Ikipe izatsinda izahura na Espagne cyangwa Ubutaliyani (ku mukino wa nyuma) -aya makipe yo azakina ku wa kabiri, na yo i Wembley.
Intsinzi y'Ubwongereza i Roma itumye bugera ku mukino wa gatatu wa kimwe cya kabiri mu irushanwa rya Euro, nyuma yo mu 1968 no mu 1996, muri uyu mwaka wa 1996 na bwo bukaba bwarakiniye uwo mukino mu Bwongereza.
Bugeze muri iki cyiciro nyuma kandi yo gusezera Ubudage muri kimwe cy'umunani.
Southgate yakomeje agira ati: "Birarenze ku gihugu cyacu kimwe cya kabiri i Wembley".
"Buri muntu wese ashobora kubyitega n'amashyushyu menshi ni byiza cyane".
"Ndabizi ibiba birimo kuba imuhira. Ni byiza kubona umuntu wese ku wa gatandatu nijoro, afite inzoga mu ntoki. Bakwiye kubyishimira. Wabaye umwaka muremure kuri buri wese".
"Ndishimye cyane kubona imikino ibiri [n'Ubudage na Ukraine] yarazaniye abantu ibyishimo byinshi cyane".
