Facebook yahinduye izina yitwa Meta

Facebook yahinduye izina yitwa Meta

 Oct 29, 2021 - 10:00

Facebook yahinduye izina ryayo yitwa Meta mu ntumbero yo kuvugurura ishusho y'iyo kompanyi.

Iyo kompanyi yavuze ko bizayifasha guhuriza hamwe ibyo yakoraga. Igiye gukoresha uburyo yise Virtual Reality (VR). Uburyo usanga umuntu ari gukoresha ubuhanga bwa mudasobwa nkaho ari gukora ikintu runaka mu buryo busanzwe. Izi mpinduka ntacyo zizahindura ku mikorere ya Facebook, Instagram na Whasapp.

Mark Zuckerberg ashaka kubaka sisiteme izafasha abatuye isi gukora batavuye aho bari kandi bameze nk’abari aho bagomba gukorera. Yagize ati:” "Ubu dushaka gukora nk'amashami abiri atandukanye, rimwe ry'ama apps zacu, irindi ku mbuga zacu z’ahazaza”. Yakomeje ati"Muri iyo ntumbero, harageze ko dufata izina rishashya rya kompanyi yacu kugirango ibyo dukora byose bigemo, ryerekana abo turi n'ibyo twifuza kwubaka."

 

Iyo kompanyi yashyize ahabona kandi ikimenyetso gishyashya ku cyicaro cyayo i Menlo Park muri California mu gusimbuza ikirango (logo) yayo y’igikumwe ya "Like" n'ikimenyetso cyo mu buhanga bw’imibare gisobanura ibitagira iherezo (infinity) kiri mw'ibara ry'ubururu.