Covid-19: hapfuye abantu 17 hakira 1005  

Covid-19: hapfuye abantu 17 hakira 1005  

Pundit Pundit  Jul 20, 2021 - 04:17

Minisiteri y’Ubuzima mu Rwanda yatangaje ko ku wa Mbere tariki 19 Nyakanga 2021, mu Rwanda abantu 913 babasanzemo Covid-19, muri bo 152 bakaba babonetse i Musanze, i Kigali haboneka 140. Abakize ni 1005, abantu 17 bitabye Imana, naho abarembye ni 89 nk’uko imibare yatangajwe ibigaragaza.

Abitabye Imana ni abagore cumi n’umwe b’imyaka 85 (Rusizi), 83 (Gicumbi), 83 (Nyanza), 82 (Musanze), 79, 67 (Bugesera), 75, 69, 56, 48 (Kigali) na 73 (Huye) n’abagabo batandatu b’imyaka 83, 73, 64, 30 (Kigali), 66 (Karongi) na 52 (Rusizi), bakaba bahise buzuza umubare w’abantu 666 bamaze kwicwa n’iki cyorezo mu Rwanda.

Abarimo kuvurwa bose hamwe ni 16,523.

Inzego zishinzwe ubuzima zisaba Abaturarwanda baba abakingiwe n’abatarakingirwa gukomeza kwitwararika birinda kwandura cyangwa kwanduza abandi icyorezo cya COVID-19 gikomeje kugaragaza ubukana mu Rwanda n’ahandi ku isi.