Yageze ku kibuga Mpuzamahanga cy'indege cya Cardinal Betnardin Gantin giherereye mu mujyi wa Cotonou ku wa 25 Nyakanga 2025, yakirwa n'abayobozi bakuru n'abaturage batandukanye b'icyo gihugu.
Akigera ku kibuga cy'indege, yahise abatangariza mu rurimi rw'igifaransa ati "Ndi Umunya-Benin". Ni uko barasemura abaturage babasha kubyumva.
Kuri uyu wa 26 Nyakanga 2025, ni bwo yahawe ubu bwenegihugu byemewe n'amategeko nk'uko bigaragara mu mafoto.
Ciara yahawe ubwenegihugu bwa Benin
Ibi Ciara yakoze byo gushakisha inkomoko y'igisekuruza ke byavugisgije abantu benshi ku mbuga nkoranyambaga bamushimira uwo mwanzuro yafashe, bagasaba n'abandi Banyafurika baba mu Burengerazuba bw'Isi kuza muri Afurika iwabo kugira ngo bamenye umuco, imigenzo n'imiziririzo Nyafurika.
Ciara yavutse ku wa 25 Ukwakira 1985. Yavukiye ahitwa Austin, muri Leta ya Texas muri Leta Zunze Ubumwe za Amerika. Yarerewe ahantu hagiye hatandukanye mu nkambi za gisirikare i New York, California, Arizona, Nevada n'ahandi mbere y'uko umuryango we ujya gutura i Atlanta muri Georgia.
Akanyamuneza kari kose kuri Ciara ubwo yahabwaga ubwenegihugu bwa Benin
Ciara ni umwe mu bahanzi bakomeye cyane ku Isi aho yabashije gukorana imishinga y'indirimbo na Chris Brown, Nicki Minaj, Ludacris n'abandi bagenzi be b'ibikomerezwa mu muziki w'isi.
Umwanditsi: Gilbert Ukwizagira
