Kuri uyu wa Gatatu tariki ya 05 Kanama 2024, Minisitiri w'Ububanyi n'Amahanga w'u Burusiya Sergey Lavrov uri i Ouagadougou Burkina Faso, yatangaje ko bagiye kongera ibikorwa byabo bya gisirikare muri icyo gihugu.
Mu kiganiro n'itangazamakuru, Lavrov yavuze ko u Burusiya bugiye kongera ibikoresho bya gisirikare bohereza muri Burkina Faso, ariko byumwihariko bakongera umubare w'abasirikare b'Abarusiya baza gutoza ingabo.
Lavrov i Ouagadougou akaba yakiriwe na Perezida w'iki gihugu Captain Ibrahim Traore wafashe ubutegetsi nyuma ya coup d'etat yo mu 2022, agahita afata n'umwanzuro wo kwirukana ingabo z'Abafaransa agatumira iz'Abarusiya.
Minisiteri Lavrov kandi, yageze muri Burkina Faso nyuma y'uko yari akubutse muri Repubulika ya Congo aho yahuye na Perezida Denis Sassou Nguesso, ndetse akaba yarasuye Igihugu cya Guinea, bikaba byitezwe ko ku munsi w'ejo azerekeza muri Chad kwa General Mahamat Idriss Deby.
Captain Ibrahim Traore yakiriye Minisitiri Sergey Lavrov
