Umuraperi Daniel Hernandez wo muri Amerika wamenyekanye nka Tekashi 6ix9ine mu muziki, akaba yarakubiswe mu ijoro ryo ku wa 21 Werurwe 2023.
Tekashi 6ix9ine, akaba yarakubiswe ubwo yari mu nzu y'imyitozo ngororamubiri ( gym) ubwo yari kumwe n'inshuti ze muri Leta ya California muri USA.
https://thechoicelive.com/usa-umuraperi-tekashi-6ix9ine-yarahondaguwe-agirwa-intere
Ku bw'ibyo, kuri uyu wa Kane tariki ya 30 Werurwe, Polisi ikaba yaje gutangaza ko yataye muri yombi abagabo batatu bakubise uyu mugabo.
Abashinzwe umutekano mu gace ka Palm Beach, bakaba batangaza ko abagabo batatu aribo; Rafael Medina, Jr., Octavious Medina na Anthony Maldonado batawe muri yombi bazira gukubita uyu muraperi kandi bakaba bafunzwe.
Kuri iyi mpamvu, aba bagabo bakaba bafashwe nyuma y'uko basuzumye kamera zo muri gym aho Tekashi 6ix9ine yakubitiwe.
Magingo aya ntibiramenyekana niba, aba bagabo hari aho bahuriye n'abagize agatsiko k'uyu muraperi bigeze gufungwa muri 2017 bazira gucuruza ibiyobyabwenge.
Muri rusange nubwo Tekashi 6ix9ine yakubiswe n'abagabo ku mpamvu zitari zamenyekana, akaba aheruka gutangaza ko atazigera yongera umutekano we cyangwa ngo yimuke muri Florida.
