Meghan Markle yagarutse muri Sinema

Meghan Markle yagarutse muri Sinema

 Apr 29, 2023 - 06:52

Nyuma y'imyaka 5 yose umukinnyi w'ikirangirire muri filime Meghan Markle ahagaritse gukina filime nyuma yo gushakana n'igikomangoma cy'u Bwongereza Harry, kuri ubu yagarutse.

Umukinnyikazi w'ikirangirire muri filime Meghan Markle akaba n'umugore w'igikomangoma Harry yongeye kugaruka mu ruhando rwa Sinema muri Amerika.

Ku wa 19 Gicurasi 2018, nibwo Prince Harry yambikanye impeta na Meghan Markle, ibintu bitashimishije abo mu muryango w'i Bwami mu Bwongereza bahita bamubuza gukina filime.

Zimwe mu mpamvu zatumye abo mu muryango w'i Bwami batishimira Meghan Markle, ni uko yari Umunyamahanga, ikindi akaba yari n'Umwirabura.

Meghan Markle ntiyigeze yishimirwa i Bwami 

Nkaho ibyo bitari bihagije, Meghan yari yarashakanye n'undi mugabo mbere yo kubana na Prince Harry byongeye kandi yarutaga umugabo we mu myaka.

Kuri izi mpamvu zose, Umwamikazi Elizabeth II w'u Bwongereza, ibi byaramushenguye abona ntacyo yabikoraho gusa ahita asaba Meghan Markle kureka gukina filime no kuva ku mbuga nkoranyambaga, ibyo byose Meghan Markle yemeye kibihagarika.

Meghan Markle agarutse muri Sinema gute?

Nyuma y'uruhererekane rw'ubwumvikane buke bwakomeje kuvuka hagati y'umuryango w'i Bwami ndetse n'umuryango wa Prince Harry na Meghan Markle, bahisemo kuva i Bwami bigira muri Amerika.

Nyamara nubwo yagiye muri Amerika, ntibyari bihagaze kuko, Prince Harry yahise asohora igitabo "Spare" kivuga ku buzima bwe i Bwami n'ukuntu umuryango we wangaga umugore we.

Nyuma y'ibyo rero, Meghan Markle yahisemo kwisubirira mu ruhando rwa Sinema aho yashyize umukono ku masezerano na kampani ya WME.

Meghan Markle yagarutse muri Sinema 

Iyi Kampani ya WME ikaba isanzwe ifasha abahanzi bakomeye bakaba n'abakinnyi ba filime barimo nka Rihanna, Selana Williams, The Rock n'abandi banyuranye.

Mu byo Meghan Markle azajya akora muri iyi Kampani, harimo gushoramo amafaranga muri filime ndetse akazamamaza zikagera kure.

Ikindi kandi akaba agiye no kugaragara muri filime zigiye gusohoka vuba aha nubwo hataratangazwa igihe zizasohokera.

Nta kabuza Meghan Markle na Prince Harry bakomeje kwitaza umuryango w'u Bwami, dore ko Meghan yanze no kujya mu muhango wo kwimika sebukwe.