Umupilote muri Afrika yepfo yamanuye indege igitaraganya nyuma yo kubona cobra ifite ubumara bukabije yihishe mu nsi yi'ntebe ye.
Rudolf Erasmus yamenyesheje abagenzi be bane bari bamwegereye nyuma yo kumva "ikintu gikonje" kimukoraho ku mugongo igice cyo hepfo aribwo batangiraga gushakisha icyo aricyo.
Pilot Rudolf Yitegereje hasi abona umutwe wa Cape cobra, izwi kandi ku izina rya "Cobra y'umuhondo "usubira inyuma mu nsi y'intebe ubwoba buramutaha.
Cape cobra ni bumwe mu bwoko bwa cobra bubi cyane muri Afurika kubera imbaraga z'uburozi bwabo.
Nyuma y'iminota hagati ya 10 na 15, Inzoka yazungurutse ibirenge bya pilote hanyuma ahita asaba uruhushya rwo kugwa byihutirwa mu mujyi wa Welkom, muri Afurika y'Epfo rwagati.
Abatabazi n’umuyobozi ushinzwe kurwanya inzoka ku kibuga cy'indege, bakoze ibishoboka kugira ngo bahure n’indege n’abagenzi bari bahungabanye ku buryo bugaragara.
Ushinzwe kurwanya inzoka Johan de Klerk hamwe ni'tsinda ry'aba injeniyeri b'indege, bashakishije inzoka mu ndege iminsi hafi ibiri ariko barayibura.
Amakuru dukesha Sky news, avuga ko abagenzi bategetswe gusubika urugendo amasaha make kugira ngo iyo nzoka ibanze iboneke.
Inzoka bayishakishije mu ndege barayibura mu gihe cy'iminsi ibiri yose.
