Umunyamakuru Floriane Irangabiye byemejwe n'inkiko zo mu Burundi ko yatawe muri yombi nyuma yo guhunga imvururu zabaye mu gihugu cy'uburundi mu mwaka wa 2015 agahungira mu Rwanda.
Minisiteri y'ubutabera mu Burundi ikaba yabinyujije ku rubuga rwayo rwa Twitter yemeza ko yamaze kumuta muri yombi ndetse akaba yarakatiwe imyaka 10 yose ari muri gereza.
Uyu munyamakuru yasubiye mu gihugu cye nyuma yo kumva amakuru ko bamwe mu batavuga rumwe na Leta ariko boroheje barimo basubira mu gihugu cyabo ntihagire icyo batwara nuko nawe agendera muri uwo mujyo.
Uyu munyamakuru Floriane Irangabiye, yakoze cyane kuri Radio itaravugaga rumwe na Leta ikaba yarakoreraga kuri internet n'ubwo minisiteri y'ubutabera mu Burundi ihakana ko ari umunyamakuru ariko abantu benshi bakundaga kumva ibiganiro bye kuri iyo Radio.
Bivugwa ko yafashwe tariki 30 Kanama 2022, afatwa n’inzego z’ubutasi z’u Burundi. Yamaze iminsi umunani bitazwi aho aherereye mbere yo kugezwa mu butabera.
