Mu bitangazamakuru byo mu burengerazuba bwa Afurika abantu bacitse ururondogoro, nyuma y'uko Yahya Nafiu, w'imyaka 56 n'umugore we Latoyossi Alake w'imyaka 54 bibarutse abana 11.
Yahya Nafiu niwe ubwe wahamirije itangazamakuru ko umugore we yibarutse abana 11 barimo abahangu umunani ndetse n'abakobwa batatu nyuma y'imyaka itatu umugore atwite, icyakora atangaza ko abakobwa babiri bapfu barimo kuvuka.
Uyu muryango utuye mu mugi wa Porto-Novo muri Benin, biremezwa ko abana ba mbere bavutse ku wa 07 Kanama 2024, abandi bavuka ku wa 14 Kanama 2024, nubwo hari ibinyamakuru byandika ko abana ba mbere bavutse ku wa 07 Nyakanga.
Nubwo uyu muryango ushima Imana, baratangaza ko basaba ubufasha kugira ngo babone uko bita kuri abo bana, ibyatumye abantu batandukanye ku mbuga nkoranyambaga batangiye gukusanya amafaranga kugira ngo babafashe.
