Tuanzebe yavuye mu ikipe ya Manchester United mu mwaka wa 2023, ubwo yari asoje amasezerano ye ariko mu gihe kinini yamaze ari muri iyi kipe yatijwe inshuro nyinshi kugeza asohotse.
Kuva yagera mu ikipe ya Manchester United nkuru mu mwaka 2015, yatijwe mu makipe arimo Aston villa, Napoli, ndetse na Stoke City aho yavuye muri Manchester United yerekeza mu ikipe ya Ipswich Town F.C, kuri ubu akaba yarasinyiye Burnley F.C izakina shampiyona y'icyiciro cya mbere mu gihugu cy'Ubwongereza.
Uyu mukinnyi ashinja igice cy'ubuvuzi cya Manchester United ko bamuhaye inama mbi zijyanye n'ubuvuzi ibyamugizeho ingaruka ku buzima bwe ndetse n'imvune yagiye agira mu bihe bitandukanye.
Tuanzebe yinjiye muri Manchester United afite imyaka 8, ndetse yayibereye kapiteni mu byiciro byose yanyuzemo. Gusa kuva yatangira gukina mu ikipe nkuru mu mwa 2015, yakinnye imikino 37 gusa mu myaka irenga itandatu kubera imvune.
Axel Tuanzebe aherutse gusinyira ikipe ya Burnley FC yagarutse muri Premier League
Axel Tuanzebe yakiniye imikino itatu ikipe y'igihugu ya Repubulika ya Demokarasi ya Congo
