Australia yasubiriye u Rwanda irubuza kugera ku mukino wa nyuma, nyuma y'uko Australia yari yatsinze Ntagengwa Olivier na Gatsinzi Venuste ubwo bari bakiri mu matsinda.
Abenshi ntibabihaye agaciro cyane ubwo u Rwanda rwatsindwaga na Australia bwa mbere, kuko wari umukino wabaye amakipe yombi yaramaze kubona itike ya ¼.
U Rwanda rwatsinzwe na Australia
Abanyarwanda benshi bari afitiye ikizere Ntagengwa Olivier na Gatsinzi Venuste ko bashobora kugera ku mukino wa nyuma, dore ko mu itsinda batsinze Afurika y'epfo na Maldives, naho muri ¼ bagatsinda New ZeaLand nayo iri mu bihugu bikomeye muri uyu mukino.
Gusa kuri uyu mukino bwo abanyarwanda ntibahiriwe kuko Australia yatsinze iseti ya mbere ku manota 21 kuri 18, iseti ya kabiri iyitsinda ku manota 21 kuri 15 ihita igera ku mukino wa nyuma.
Ku nshuro ya mbere u Rwanda rwitabiriye iyi mikino mu bagabo, ndetse aba basore bakaba bagize umusaruro utari mubi kuko babashije kuza mu makipe ane ya mbere bahigitse ibihugu bindi bikomeye.
Ntagengwa na Gatsinzi babashije gusoza mu makipe ane ya mbere
