Harriet Robson wari usanzwe akundana na Mason Greenwood yifashishije urukuta rwe rwa instagram yerekana ibikomere bikomeye yatewe n'uyu mwongereza ukiri muto ukinira Manchester United.
Uyu mukobwa ukurikirwa n'abantu batari bake bagiye kuri instagram ashyiraho amafoto atandukanye ndetse na videwo bigaragaza ibikomere bikomeye yatewe na Mason Greenwood ndetse hari n'aho agaragara umunwa uva amaraso.
Kuri iyo videwo ava amaraso ku munwa yanditseho ati:"Kuri buri wese ushaka kumenya ibyo Mason Greenwood yankoreye."
Ndetse uyu mukobwa yanashyizeho n'andi majwi yumvikanisha ijwi ry'umugabo ndetse n'iryumugore batameranye neza.
Izo post zose zasibwe kuri instagram ya Harriet Robson ariko n'ubundi abazikuyeho kare bakomeje kuzihererekanya ku mbuga nkoranyambaga bituma ayo mafoto akwira ahantu henshi.
Manchester United yasohoye ubutumwa bugira buti:"Twabonye amafoto ndetse n'ibirego biri kuzenguruka ku mbuga nkoranyambaga. Nta kirenze turabivugaho kugeza habonetse ibibyemeza neza. Manchester United ntishyigikira ihohoterwa iryo ariryo ryose."
Mason Greenwood na Harriet Robson batangiye gukundana bakiga aho bahuriye ku kigo cya Mersey school i Manchester ariko baza gutandukana mu 2020.
Ni umusore ukomeje kugorwa muri Manchester United ndetse abenshi bakabihuza n'imyitwarire itari myiza hanze y'ikibuga dore byanavuzwe ko yaba yaragiranye ikibazo na Cristiano Ronaldo.
Ubwo yahamagarwaga bwa mbere mu ikipe y'igihugu, Mason Greenwood na Phil Foden binjiye muri hotel irimo ikipe bari kumwe n'abakobwa b'abanya-Iceland b'abanyamideri ndetse banishe amabwiriza yo kwirinda Covid-19.
Ibi byatumye umutoza w'Ubwongereza Gareth Southgate abohereza mu rugo ngo bajye kwitekerezaho n'ubwo Foden we nyuma yakomeje kwitwara neza agakomeza guhamagarwa.
Mason Greenwood arashinjwa gukomeretsa bikomeye(Net-photo)
Harriet Robson ushinja Greenwood kumukubita(Net-photo)
