Harabura iminsi micye cyane ngo ibihembo bya The choice awards 2021 bitegurwa na Isibo TV bitangwe. Ibi bihembo biratangwa kuri iki cyumweru, aharahembwa abahize abandi mu ngeri zitandukanye z'imyidagaduro harimo na siporo.
Mu bakinnyi batanu bahataniye iki gihembo cy'umukinnyi wahize abandi cyiswe Most valuable player. Byiringiro Lague[1] niwe uyoboye mu majwi y'abamaze gutora, agakurikirwa na Agahozo Alphonsine[5] ukina umukino wo koga, Hakaza Kenny Gasana[4] ukina Basketball, Mutabazi Yves ukina[3] ukina Volleyball hakaza na Sugira Ernest[2].
Aya majwi ashobora guhinduka igihe cyose kuko amatora aracyafunguye kuri buri wese. Gutora bisaba kwishyura igiceri cya 50frw, ndetse 50% by’amatora yose uhatanye yagize azajya ku mufuka we naho 50% asigaye ajye mu gutegura iki gikorwa.
Mu gutanga ibihembo, amajwi yose icyamamare cyagize azajya agira uruhare rwa 60% naho komite y'abatanga ibihembo igire uruhare rwa 40%.
Amatora azarangira tariki 12 Werurwe, ushaka gutora uwo ushyigikiye wanyura ku rubuga www.thechoicelive.com/awards cyangwa ukanyura kuri telefone ngendanwa ukanda *544*444*Nimero y'uwo utora#
Ibi bihembo bigiye gutangwa ku nshuro ya kabiri bizatangwa mu byiciro 13 hiyongereho igihembo cya Icon bikaba 14. Bizatangwa tariki 13 Werurwe muri Onomo Hotel yanateye inkunga ibi bihembo ngarukamwaka, bikaba bizitabirwa n'abahawe ubutumire.
