Ni umukino wa nyuma waberaga kuri sitade y'igihugu y'Ubwongereza ariyo Wembley Stadium, aho Ubudage bwagezeyo bukuyemo ubufaransa naho Ubwongereza bugatsinda Sweden.
Ikipe y'igihugu y'Ubudage yagize ikibazo mbere y'uko rutahizamu wabo bagenderaho witwa Alexandra Popp yavunikaga bakiri kwishyushya. Uyu mugore w'imyaka 31 usanzwe watakira ikipe ya Wolfsburg, yari afite ibitego bitandatu muri iri rushanwa, akaba anganya n'umwongereza Bethany Mead aho aribo bayoboye.
Ikipe y'igihugu y'Ubwongereza yafunguye amazamu ku munota wa 62 ku gitego cyatsinzwe na Ella Anne Toone usanzwe akinira Manchester United.
Ubudage bwishyuye igitego ku munota wa 79 gitsinzwe na Lina Magull usanzwe akinira ikipe ya Bayern Munich yo mu Budage.
Byasabye ko bongeraho iminota 30 y'inyongera kuko amakipe yasoje iminota 90 anganya 11, maze umwongereza Chloe Kelly usanzwe akinira Manchester City atsinda igitego cya kabiri.
Birangira igikombe gisigaye mu Bwongereza ari nacyo gihugu cyakiriye iri rushanwa ry'abagore ku rwego rw'umugabane w'Uburayi.
