Ikipe ya Rayon Sports yamaze gusinyisha Tuyisenge Arsène wakiniraga Espoir FC, akaba yamaze gusinya amasezerano y’imyaka ibiri.
Uyu musore ukina wataka aciye ku mpamde, yasinyiye Rayon Sports kuri uyu wa Gatatu tariki ya 6 Nyakanga 2022, atandukanye na Espoir FC nyuma y’imyaka 3 ayikinira.
Tuyisenge Arsène abaye umukinnyi wa karindwi ikipe ya Rayon Sports isinyishije mu rwego rwo kwiyubaka yitegura umwaka w’imikino wa 2022-23.
Muri iyi mpeshyi Rayon Sports imaze gusinyisha Iraguha Hadji wavuye muri Rutsiro FC, Raphael Osalue, Mucyo Didier Junior na Ishimwe Ganijuru Elie bakiniraga Bugesera, Hirwa Jean de Dieu wakiniraga Marine Fc na Ngendahimana Eric wakiniraga Kiyovu Sports.
