Bigaragara ko Raheem Sterling yatangiye kwitegura ubuzima butari ubw'i Manchester, ndetse uyu musore akaba yatangiye ibiganiro na Trent Alexander-Arnold ngo amugurishe inzu yari atuyemo i Manchester.
Nk'uko ikinyamakuru Daily Mirror kibitangaza, Trent Alexander-Arnold arifuza kuva aho yabaga mu majyepfo ya Manchester, aho aturanye na Allison Backer bakinana ndetse na Paul Pogba.
Bitangazwa ko Alexander-Arnold ari mu biganiro ngo agure iyi nzu ihagaze miliyoni 4.5 z'amapawundi mu gihe Raheem Sterling ari kwerekeza i London mu ikipe ya Chelsea.
Sterling arifuzwa cyane na Chelsea (Image:SPORT)
Ibiganiro hagati ya Chelsea na Manchester City birakomeje kuva mu minsi ishize, ndetse hari ikizere kinshi ko Sterling azajya muri iyi kipe itozwa na Thomas Tuchel.
Byitezwe ko Raheem Sterling azagurwa miliyoni 45 z'amapawundi, ubundi agashyira umukono ku masezerano y'imyaka ine muri Chelsea.
Ibiganiro hagati ya Raheem Sterling n'umutoza Thomas Tuchel byagenze neza, igisigaye ni ko amakipe yombi yumvikana ubundi uyu mwongereza akajya mu murwa mukuru.
Raheem Sterling w'imyaka 27 amaze imyaka irindwi muri Manchester City yagezemo avuye muri Liverpool, akaba yarayitsindiye ibitego 131 mu mikino 331 yayikiniye.
