Rutahizamu Romelu Lukaku aherutse gutangwaho akavagari mu mpeshyi ishize ava muri Inter.Milan agaruka muri Chelsea yanakiniye mbere.
Lukaku yasibye imikino itandatu muri iyi kipe ya Chelsea ariko amaze kuyitsindira ibitego bitanu kuva yagaruka muri iyi kipe yo mu mujyi wa London.
Byamenyekanye ko rero uyu rutahizamu w'umubiligi ateganya ko igihe kimwe azasubira mu Butariyani gukina muri shampiyona yaho kuko ngo ni imwe muri shampiyona uyu mugabo akunda cyane.
Agent wa Romelu Lukaku witwa Pastorello yabwiye Tuttosport ati:"Umunsi umwe tuzabona Lukaku agaruka muri Serie A, kuko akunda Ubutariyani. Gusa uyu ni umwanya wa Chelsea ngo iryoherwe nawe agihari."
Romelu Lukaku akunda kuvuga ko akunda Serie A kuko yamuzamuriye urwego akaba umukinnyi mwiza.
Yagiriye ibihe byiza cyane muri Serie A mu ikipe ya Inter.Milan ayifasha gutwara igikombe cya shampiyona yaherukaga cyera ubwo yari afite ubusatirizi bwiza hamwe n'umunya-Argentine Lautaro Martinez.
Uyu mugabo w'imyaka 28 yatinze ibitego 64 mu mikino 95 yakiniye Inter.Milan ndetse atanga imipira yavuyemo ibitego 16 mu gihe yatozwaga na Antonio Conte utoza Tottenham ubu.
Romelu Lukaku ashobora gusubira mu Butariyani(Image:Goal)
