Real Madrid ishaka kongera gutoneka FC Barcelona ikayitwara undi mukinnyi

Real Madrid ishaka kongera gutoneka FC Barcelona ikayitwara undi mukinnyi

Date: Jan 16, 2022 - 09:42


Nyuma y'amateka ya Luis Figo, Real Madrid ishaka kongera gukubita ahababaza igatwara undi mukinnyi wa FC Barcelona.

Inkuru ya Radio Kanal Barcelona binyuze muri AS, iravuga ko Real Madrid ishaka guhemukira FC Barcelona ikayitwara myugariro Ronald Araujo ugaragara ko ariwe hazaza ha Barça mu bwugarizi.

Ronald Araujo yabaye umwe muri ba myugariro ngenderwaho muri FC Barcelona kuva yava muri Barcelona B mu 2019, ni nyuma y'uko uwitwa Clement Lenglet byari byaranze.

Mu gihe Gerrard Pique ari gusatira imyaka 35 ari nako imbaraga ziba nke, Araujo niwe ufatwa nk'umuyobozi w'ubwugarizi bwa FC Barcelona mu myaka iri imbere.

Amasezerano ya Ronald Araujo muri FC Barcelona azarangira mu 2023 ndetse byavuzwe ko iyi kipe yifuza kuyongera ariko ngo na Real Madrid yifuza uyu musore ku buryo bukomeye cyane.

Iyi nkuru ya Radio Kanal Barcelona ivuga ko Real Madrid irekereje ngo ifatirane uyu musore imusinyishe ku buntu ubwo aya masezerano yaba arangiye mu 2023.

Si ubwa mbere Real Madrid yaba yifuje Ronald Araujo kuko mu 2018 bamwifuje ariko bikarangira yerekeje muri FC Barcelona ava muri Boston River y'iwabo muri Uruguay aguzwe miriyoni 1.7 y'amayero.

Kuva Araujo yagera muri FC Barcelona agaciro ke kariyongereye cyane, ndetse si Real Madrid yonyine imwifuza kuko mu minsi ishize hanavuzwe amakipe yo mu Bwongereza arimo Chelsea. Ibi biratuma FC Barcelona ikomeza gushyiramo imbaraga ngo yongere amasezerano y'uyu musore.

Kongerwa kw'amasezerano ya Araujo byakomwe mu nkokora n'ikibazo cy'ubukungu muri Barça aho byabaye ngombwa ko bongera amasezerano ya Pique, Umtiti na Sergi Roberto ariko bakagabanya imishahara.

Umu-agent wa Ronald Araujo witwa Flavia Perchman, mu minsi ishize yatangaje ko yakwicarana na Barça bakaganira ariko avuga ko ubu iyi kipe ifite ibibazo byihutirwa yabanza igakemura.

Izi nkuru zirakomeza guhangayikisha abafana ba FC Barcelona bakibabazwa na Luis Figo wabavuyemo yerekeza muri Real Madrid mu 2000. Uyu niwe mukinnyi wanyuma uheruka kuva muri FC Barcelona yerekeza muri Real Madrid.

Ubwo Figo yagarukaga i Camp Nou abafana barenzwe n'umujinya bamutera ibintu bitandukanye harimo n'umutwe w'ingurube kuko bamwitaga umugambanyi.

Real Madrid irifuza Ronald Araujo wa FC Barcelona(Image:The sun)

Luis Figo niwe uheruka kuva muri Barça ajya muri Real Madrid(Net-photo)

Luis Figo bamuteye umutwe w'ingurube(Net-photo)

Sports journalist
 
Real Madrid ishaka kongera gutoneka FC Barcelona ikayitwara undi mukinnyi

Real Madrid ishaka kongera gutoneka FC Barcelona ikayitwara undi mukinnyi


Nyuma y'amateka ya Luis Figo, Real Madrid ishaka kongera gukubita ahababaza igatwara undi mukinnyi wa FC Barcelona.

Inkuru ya Radio Kanal Barcelona binyuze muri AS, iravuga ko Real Madrid ishaka guhemukira FC Barcelona ikayitwara myugariro Ronald Araujo ugaragara ko ariwe hazaza ha Barça mu bwugarizi.

Ronald Araujo yabaye umwe muri ba myugariro ngenderwaho muri FC Barcelona kuva yava muri Barcelona B mu 2019, ni nyuma y'uko uwitwa Clement Lenglet byari byaranze.

Mu gihe Gerrard Pique ari gusatira imyaka 35 ari nako imbaraga ziba nke, Araujo niwe ufatwa nk'umuyobozi w'ubwugarizi bwa FC Barcelona mu myaka iri imbere.

Amasezerano ya Ronald Araujo muri FC Barcelona azarangira mu 2023 ndetse byavuzwe ko iyi kipe yifuza kuyongera ariko ngo na Real Madrid yifuza uyu musore ku buryo bukomeye cyane.

Iyi nkuru ya Radio Kanal Barcelona ivuga ko Real Madrid irekereje ngo ifatirane uyu musore imusinyishe ku buntu ubwo aya masezerano yaba arangiye mu 2023.

Si ubwa mbere Real Madrid yaba yifuje Ronald Araujo kuko mu 2018 bamwifuje ariko bikarangira yerekeje muri FC Barcelona ava muri Boston River y'iwabo muri Uruguay aguzwe miriyoni 1.7 y'amayero.

Kuva Araujo yagera muri FC Barcelona agaciro ke kariyongereye cyane, ndetse si Real Madrid yonyine imwifuza kuko mu minsi ishize hanavuzwe amakipe yo mu Bwongereza arimo Chelsea. Ibi biratuma FC Barcelona ikomeza gushyiramo imbaraga ngo yongere amasezerano y'uyu musore.

Kongerwa kw'amasezerano ya Araujo byakomwe mu nkokora n'ikibazo cy'ubukungu muri Barça aho byabaye ngombwa ko bongera amasezerano ya Pique, Umtiti na Sergi Roberto ariko bakagabanya imishahara.

Umu-agent wa Ronald Araujo witwa Flavia Perchman, mu minsi ishize yatangaje ko yakwicarana na Barça bakaganira ariko avuga ko ubu iyi kipe ifite ibibazo byihutirwa yabanza igakemura.

Izi nkuru zirakomeza guhangayikisha abafana ba FC Barcelona bakibabazwa na Luis Figo wabavuyemo yerekeza muri Real Madrid mu 2000. Uyu niwe mukinnyi wanyuma uheruka kuva muri FC Barcelona yerekeza muri Real Madrid.

Ubwo Figo yagarukaga i Camp Nou abafana barenzwe n'umujinya bamutera ibintu bitandukanye harimo n'umutwe w'ingurube kuko bamwitaga umugambanyi.

Real Madrid irifuza Ronald Araujo wa FC Barcelona(Image:The sun)

Luis Figo niwe uheruka kuva muri Barça ajya muri Real Madrid(Net-photo)

Luis Figo bamuteye umutwe w'ingurube(Net-photo)

Sports journalist