Ni amakuru ikipe ya Rayon Sports yatangaje ibinyujije ku mbuga nkoranyambaga zayo, ku gicamunsi cyo kuri uyu wa Kane.
Rutahizamu wasinyiye Murera ni Alseny Camara Agogo w'imyaka 28, akaba aje yitezweho gufasha Rayon Sports mu rugamba irimo guhatanira gutwara igikombe cya shampiyona umwaka 2023/2024.
Agogo yasinyiye Rayon Sports kuyikinira amezi asigaye kugira ngo umwaka w'imikino wavuzwe ruguru urangire, mu gihe azaba yaritwaye neza akaba ashobora kongererwa amasezerano nyuma y'ibiganiro.
Uyu rutahizamu yakiniye amakipe y’iwabo muri Guinea arimo AS Kaloum na Horoya AC, ndetse kandi yari kumwe n'ikipe y'igihugu ya Guinea muri CHAN ya 2016 yabereye mu Rwanda.
Agogo aje gutanga umusanzu muri Rayon Sports ishaka igikombe cya shampiyona
