Kim yafashe inguzanyo itangaje ya Miliyoni 48 z'amadolari kugira ngo agure inzu ngari cyane mu gace ka Malibu muri California.
Byatangajwe ko iyi nzu yayiguze Miliyoni 70 z'amadorari. Iyi nzu ikaba yarahoze ari iya Cynthia Ann Crawford, icyamamare kuri televiziyo ndetse akaba n'umunyamideli.
Biravugwa ko Kim yabonye inguzanyo muri Bank of New York Mellon, iyi ikaba ari Banki iguriza abaherwe bafite amafaranga menshi, bikaba bivugwa ko igira n'inyungu iri ku rwego rwo hehanitse.
Inzu Kim Kardashian yaguze akayabo
Iyi nzu y'igitangaza ifite ibyumba bine byo kuryamamo ndetse n'ubwiherero butanu ndetse n'igice cy'imbere cya metero zirenga 7000.
Nk’uko ikinyamakuru Los Angeles Times kibitangaza, kiravuga ko inzu Kardashian yaguze, yariyo nzu ya gatandatu ihenze cyane mu mutungo utimukanwa muri Californiya y'Amajyepfo mu mwaka wa 2022.
Iyi nzu Kim ikaba iri ku bilometero 14 uvuye mu rugo rw'uwahoze ari umugabo we Kanye West, nawe uherutse kugura ubutaka ku nyanja miliyoni 57 z'amadolari.
