Indirimbo ya Kendrick Lamar yateje ibibazo ishuri ryo mu Bwongereza

Indirimbo ya Kendrick Lamar yateje ibibazo ishuri ryo mu Bwongereza

 Jun 8, 2024 - 13:43

Ishuri ryo mu gihugu cy'Ubwongereza ryaciwe arenga miliyoni 100 z'amanyarwanda kubera ibibazo indirimbo ya Kendrick Lamar yitwa 'Alright' yateye umwe mu banyeshuri baryigaho.

Ishuri ryitwa ‘Vernon Centre Middle School’ riherereye i Manchester mu Bwongereza, ryemeye kwishyura indishyi y’amadorari ibihumbi 100 arenga miliyoni 100 z’amanyarwanda, nyuma y’uko umunyeshuri w’iryo shuri avuga ko yahungabanyijwe n’indirimbo ‘Alright’ ya Kendrick Lamar yacuranzwe mu ishuri.

Uru rubanza rwatanzwe mu 2022, ruvuga ko ku ya 12 Gashyantare 2020, umwarimu w’inyigisho mbonezamubano witwa Owens yerekanye amashusho y’indirimbo ya Lamar atabiherewe uruhushya n’abanyeshuri.

Amashusho y’iyo ndirimbo yerekanaga uwo muraperi yarashwe na polisi, ku buryo ngo byatumye umwe mu banyeshuri ahungabana.

Umuryango w’uwo munyeshuri utaravuzwe izina wasobanuye ko mwarimu Owens yerekana ayo mashusho y’indirimbo ari nkaho yatangaga ubutumwa kuri uwo munyeshuri ufite se w’umupolisi ucyuye igihe.

Uru rubanza ruvuga ko ayo mashusho yerekanaga abapolisi nk’abicanyi kandi ikubiyemo andi mashusho y’ihohoterwa ndetse n’amakuru asebya abapolisi.

Iyi ndirimbo ya Lamar yasohotse ku mugaragaro ku ya 15 Werurwe 2015 ikaba yaregukanye ibihembo bitandukanye birimo Grammy Best Rap Performance ndetse Best Rap Song.