Byabaye kuri uyu wa kabiri tariki ya 20 Kanama 2025 ubwo yagaragazaga ko iyo mucikopa yambaye ari iy'uruganda rushya, SKIMS, rwa Kim Kardashian w'imyaka 44 y'amavuko. Ngo iyo mucikopa kandi ikoze mu gitambaro cya koto.
Muri uru ruzinduko yari yafashe agasohoka, Malone yagaragaye yambanye mucikopa yonyine buri buri ndetse yigira no gutora inkwi zo gucana. Icyakora, yari yambaye ingofero yo mu mutwe.
Ni ingofero ikunze kwambarwa n'ibyamamare ariko ikaba ifite inkomoko ku bashumba bo muri Amerika ba 'Cowboy(s)' mu myaka yo hambere. Post Malone yagaragaje n'ibishushanyo biri ku mubiri we bizwi nka 'tattoos" biri ku gice cy'imbere cy'igihimba ke cyose n'amaboko.
Mu bindi byashinishije Post Malone muri uru ruzinduko rwe ni ukujya kuroba amafi mu mazi ndetse no gutwara indogobe ye bwite aherutse kugura mu ntangiriro z'uyu mwaka.
Post Malone kandi yagaragaje ko umugabo wese ngo akwiye kwambara umwenda w'imbere uturutse muri uru ruganda, SKIMS, rwa Kim Kardashian ruzashyira ku mugaragaro imyenda y'imbere y'abagabo mu gitondo cyo ku munsi w'ejo tariki ya 21 Kanama 2025.
