Bayern Munich y'umutoza Vincent, Kompany yatanze miliyoni £44 kuri Liverpool kugira ngo ibagurishe uyu musore ukina nka mababa w'ibumoso, gusa Liverpool ntiyiteguye kwemera aya mafaranga.
Luis Díaz afite amasezerano y'imyaka ibiri mu ikipe ya Liverpool, bityo ikaba iri gusaba miliyoni £68 kuri uyu musore uhembwa £55000 ku cyumweru.
Ubwo yari mu biruhuko iwabo muri Colombia Luis Díaz yabwiye umunyamakuru Mauricio Gomez ko akiganira na Liverpool n'abandi bamwegereye. Ati “Turacyaganira na Liverpool n’abandi bose batwegereye. Ndi ahantu heza, meze neza. Turi kugerageza gufata icyemezo cyiza.”
Yakomeje agira ati: “Turimo kuganira, ariko ndishimye muri Liverpool. Kuva ku munsi wa mbere banyakiriye neza. Nibaduha amasezerano mashya meza, nzishimira kuguma hano.”
Luis Díaz wifuzwa kandi na Barcelona yageze muri Liverpool muri Mutarama 2022, akaba yaratsinze ibitego 17 mu marushanwa yose muri uyu mwaka w'imikino.
Luis Díaz ahembwa amafaranga macye ku buryo nawe ashaka umushahara wo hejuru
Luis Díaz yafashije cyane Liverpool kwegukana Premier League y'uyu mwaka
