N'ubwo ibitego byo akomeje kubimarira mu mazamu y'amakipe ahura na Bayern Munich, Harry Kane ntarabona inzu i Bavaria kuva yakwerekeza muri iyi kipe ikomeye yo mu Budage mu mpeshyi ishize.
Uyu rutahizamu w'ikipe y'igihugu y'u Bwongereza arara muri hoteli yitwa Vier Jahreszeiten Kempinski, ikaba ari imwe muri hoteli zihenze zibarizwa mu mujyi wa Munich ubarizwamo Bayern Munich.
Bivugwa ko kuva Harry Kane yagera muri Bayern Munich amaze gutanga arenga miliyoni y'amapawundi yishyura iyi hoteli araramo, kuko buri joro yishyura asaga ibihumbi icumi by'amapawundi(arenga miliyoni icumi ushyize mu manyarwanda).
Hoteli ya Vier Jahreszeiten Kempinski yafunguwe mu 1958 ikaba yubatse mu ntera itari kuri uvuye kuri Allianza Arena aho Bayern Munich yakkirira imikino yayo, ndetse ikaba ari imwe muri hoteli nziza ziri i Munich.
Harry Kane yagize intangiro nziza mu ikipe ya Bayern Munich haba mu mikino ya Champions League ndetse na Bundesliga, dore ko mu mukino wa Der Klassiker uba wahuruje imbaga mu Budage, yafashije Bayern Munich gutsinda Borussia Dortmund atsinda ibitego bitatu muri bine bayitsinze.
Hotel Vier Jahreszeiten Kempinski Harry Kane araramo
