AS Kigali yahigitse Rayon Sports isinyisha rutahizamu kabombo

AS Kigali yahigitse Rayon Sports isinyisha rutahizamu kabombo

 Jul 11, 2022 - 07:07

Ikipe ya AS Kigali yamaze gusinyisha rutahizamu witezweho kuzayifasha mu mikino nyafurika no muri shampiyona.

Ni umunya-Cameroon w'imyaka 25 witwa Man Yakre Dangmo, watangiye kuvugwa mu Rwanda mu minsi mike ishize aho yifuzwaga na Rayon Sports.

Mu gitondo cyo kuri uyu wa Mbere, tariki ya 11 Nyakanga, ni bwo yasinyiye AS Kigali amasezerano y’imyaka ibiri.

Man Yakre usanzwe uhamagarwa mu Ikipe y’Igihugu ya Cameroun y'abakina imbere mu gihugu, yabaye umunyamahanga wa mbere usinyiye AS Kigali muri iyi mpeshyi.

Uyu musore ashobora gukina nka rutahizamu nimero ikenda, cyangwa agakina ku ruhande, cyangwa se agakina inyuma ya ba rutahizanu.

Iyi kipe izahagarira u Rwanda muri CAF Confederation Cup ku nshuro ya gatatu yikurikiranya, yaherukaga kugura Rucogoza Elias wakinira Bugesera FC na Akayezu Jean de Dieu wavuye muri Etincelles.

Yakre Dangmo mu mwambaro w'ikipe y'igihugu

Dangmo yamaze gusinyira AS Kigali