Umukino uhuza ikipe ya Kiyovu Sports na Rayon Sports uba ari umukino ukomeye.Hari n'abadatinya kuvuga ko ariwo mukino ukomeye uba mu Rwanda birengagije uwa APR FC na Rayon Sports.
Kuri icyi Cyumweru nibwo aya makipe yagombaga gukina ku munsi wa karindwi wa shampiyona.Umutoza Masudi Djuma na Haringingo Francis bari bakoze ku ntwaro zabo zose.
Ku ruhande rwa Rayon Sports umutoza masudi Djuma hari abakinnyi 11 yari yahisemo.Abo ni Hakizimana Adolphe,Iranzi J.Claude,Youssef Rahb,Nizigiyimana Mackenzie,Ndizeye Samuel,Mugisha François,Manace Mutatu,Niyigena Clement,Muhire Kevin,Onana Essomba na Nishimwe Blaise.
Abakinnyi 11 babanjemo ku ruhande rwa Rayon Sports(Rayon Sports Instagram-photo)
Naho ku ruhande rwa Kiyovu Sports Haringingo Francis yari yahisemo ko Yves,Serumogo,Gilbert,Ngendahimana,Thierry,Ismail,Cedrick,Benedata,Okwi,Abedi na Kevin aribo babanzamo.
Abakinnyi babanjemo ku ruhande rwa Kiyovu(Kiyovu Sports Instagram-photo)
Uyu mukino watangiye amakipe yombi ashaka igitego ariko burya ababurana ari babiri umwe aba yigiza nkana.
Ku munota wa 19' gusa nibwo abafana ba Kiyovu Sports bagiye mu bicu kuko uwitwa Ishimwe Kevin yari amaze gushyiramo igitego cya mbere maze Kiyovu itangira kwizera ko yatwara amanota atatu.
Ku munota wa 64' umugande Emmanuel Okwi uherutse gusinya muri iyi kipe ya Kiyovu,yayiboneye igitego cya kabiri ubundi abafana bongera kujya mu bicu.
Ibi birakomeza gushyira Masudi Djuma mu bibazo kuko mu mikino 7 imaze gukinwa afitemo amanota 11 muri 21 yashoboraga kubona.
