Ni amakuru yemejwe n'ubuyobozi bwa Etoile de L'Est kuri uyu wa mbere nyuma y'uko ku cyumweru iyi kipe yari yanyagiwe na Police FC ibitego bitandatu byose ku busa.
Ubuyobozi bw'iyi kipe y'i Ngona bwifashishije urukuta rwayo rwa Twitter bagira bati:”Twishimiye gutangaza ko Addy Bukaraba ukomoka muri Repubulika Iharanira Demokarasi ya Congo ari umutoza wacu mushya”.
Addy Bukaraba azatoza Etoile de l’Est kugeza uyu mwaka w’imikino urangiye dore ko Banamwana Camarade wari usanzwe ayitoza igihe bari bemerewe na FERWAFA cyarangiye, dore ko nta byangombwa bimwemerera gutoza mu kiciro cya mbere afite.
Addy Bukaraba ni umutoza ukomoka muri Repubulika iharanira Demokarasi ya Congo akaba yaratoje amakipe atandukanye yo muri Congo arimo AS Nyuki, DC Virunga na Bukavu Dawa.
Ikipe ya Etoile de L'Est ihagaze nabi dore ko ifite amanota 16 mu mikino 16 imaze gukina, ikaba iri ku mwanya wa 13 ku rutonde rw'agateganyo rwa shampiyona ndetse idafite ikizere cyinshi cyo kuguma mu kiciro cya mbere.
Etoile de L'Est yabonye umutoza mushya(Net-photo)
Addy Bakaraba ugiye gutoza Etoile de L'Est(Net-photo)
