Element uheruka guteguza indirimbo yise 'Tombé', yashyizwe ku rutonde rw'abazitabira ABM Music Camp (African Bureau of Music).
ABM Music Camp ni igikorwa kimara iminsi itandatu kigamije gufasha no guhuza inganda z’umuziki z’Afurika y’Iburasirazuba n’izo mu Burayi.
ABM izabera i Kampala ahitwa African Bureau of Music Hub, izahuza abatunganya umuziki, abahanzi, n'abandi bantu b’ingenzi mu ruganda rwa muzika, bagamije gukorana, gusangira ubumenyi, no gukora umuziki udasanzwe.
ABM Music Camp izatangira ku itariki ya 3 Werurwe 2025, ikomeze kugeza ku itariki ya 8 Werurwe 2025.
Abahanzi, abatunganya umuziki ndetse n'abanditsi b’indirimbo, n’abandi bafite impano batandukanye bamaze kwemezwa na ABM Music Camp bagera kuri 18.
Abahanzi bamejwe barimo: Pia Pounds, Eddy Kenzo, Karola Kasita, Yo Kooki, Dokta Brain, 14k Bwongo, Fik Fameica na Azawi.
Aba-Producer n'abanditsi b'indirimbo barimo: Element Eleeeh (Rwanda), Stukizzy (Tanzania), Mike Ouma, Sewa Sewa, Producer Andre, Producer Artin, na Producer Chemical.
Eement uheruka guteguza indimbo 'Tombé' agiye kwerekeza i Kampala muri ABM Music Camp
