Cristiano Ronaldo yagize icyo avuga nyuma yo kubwirwa gufunga umunwa

Cristiano Ronaldo yagize icyo avuga nyuma yo kubwirwa gufunga umunwa

 Jan 8, 2022 - 07:26

Cristiano Ronaldo yavuze nyuma y'uko umwongereza wahoze akinira Manchester City witwa Trevoh Sinclair yamubwiye gufunga umunwa muri Manchester United.

Cristiano Ronaldo nyuma yo kubwirwa guceceka we yabwiye abakinnyi bakinana muri Manchester United gukomeza gukora bashyizemo imbaraga.

Ibi uyu mugabo w'imyaka 36 yabivuze abinyujije ku mbuga ze nkoranyambaga nyuma y'uko Trevoh Sinclair avuze amushinja gukomeza guteza ibibazo mu ikipe ya Manchester United.

Bigaragara ko Manchester United ya Cristiano Ronaldo idahataniye igikombe cya shampiyona nk'uko byari byitezwe kuva yayigarukamo mu mpeshyi ishize ya 2021.

Andi makuru kandi agenda avuga ko Cristiano Ronaldo yiteguye kuva muri Manchester United mu mpeshyi ya 2022 mu gihe Ralf Rangnick yaba agizwe umutoza w'igihe kirekire cyangwa iyi kipe ikazana umutoza adashaka.

Ibi nibyo Trevoh Sinclair wahoze akinira Manchester City yahereyeho yibasira cyane Cristiano Ronaldo ndetse avuga ko ikipe ye ya Manchester City isa n'iyakwepye isasu ubwo itasinyishaga Cristiano Ronaldo mu mpeshyi ishize.

Trevoh Sinclair akomeza avuga ko kuba abakinnyi benshi bari kugorwa no gukora neza muri Manchester United nka Sancho na Rashford ngo wabishyira kuri Cristiano Ronaldo.

Cristiano Ronaldo yabwiwe gufunga umunwa nyuma yo gutanga amabwiriza ku mutoza uzatoza Manchester United

Lionel Messi, Kylian Mbappe na Pochettino bashobora gusohokera rimwe muri PSG

Trevoh Sinclair akomeza avuga ko Cristiano Ronaldo yaba yaranze kujya muri Manchester City kuko yabonaga atakwikora ibyo ashaka kwa Pep Guardiola ahubwo agahitamo gusanga Ole Gunnar Solskjaer watozaga Manchester United.

Gusa ibi byose Cristiano Ronaldo yabirenze we abwira abakinnyi bakinana gukomeza gukora kuko aribyo bizazahura iyi kipe itari mu bihe byiza.

Cristiano Ronaldo arashinjwa guteza ibibazo muri Manchester United(Net-photo)