Jose Mourinho niwe wari ufite agahigo ko gutsinda imikino myinshi mu mikino 250 ya Premier league, aho yatsinzemo imikino 158 ubwo yari akiri mu ikipe ya Chelsea.
Umukino Liverpool yatsinzemo Watford ibitego 2-0 kuri uyu wa Gatandatu wari umukino wa 250 Jurgen Klopp atoje muri Premier league, ndetse ukaba umukino wa 160 atsinze muri iyo mikino 250.
Ubwo uyu mukino wari urangiye, umunyamakuru wa BT Sports witwa Des Kelly yamubajije niba yari abizi ko ari umukino wa 250 atoje muri Premier league, Klopp asubiza ati:"Yego! Yeah...Byari urugendo rurerure.
"Twari dukeneye umwanya, imyaka itandatu n'igice cyangwa iyindi.
"Ariko ntabwo ushobora kubikora byihuse, biragaragara, ubwo rero oya - byose bimeze neza.
"Byari kuba byiza iyo 250 yose biba byiza cyane, ariko ibyo ntibishoboka.
"Ubwo rero twakinnye imyiza n'indi itari myiza cyane... Uyu munsi byari byiza bihagije mu gutsinda umukino."
Klopp ayoboye abandi batoza mu ntsinzi nyinshi nyuma y'imikino 250 ya Premier league
Ubu Jurgen Klopp niwe mutoza uyoboye mu mikino yatsinze muri Premier league nyuma y'imikino 250, aho yatsinze imikino 160. Jose Mourinho we yatsinzemo 158, Sir Alex Ferguson atsindamo imikino 152 mu gihe Arsene Wenger yatsinzemo imikino 146.
