COVID19: Abanyarwanda bakomeje kwandura ku mubare uteye inkeke

COVID19: Abanyarwanda bakomeje kwandura ku mubare uteye inkeke

 Jul 4, 2021 - 04:28

Mu munsi umwe hapfuye abantu 12 handura 898, mu mujyi wa Kigali habonetse abantu 424.  

Minisiteri y’Ubuzima mu Rwanda yatangaje ko ku wa Gatandatu tariki 3 Nyakanga 2021, mu Rwanda abantu 898 babasanzemo Covid-19, muri bo 424 bakaba babonetse i Kigali. Abakize ni 334, abantu 12 bitabye Imana, naho abarembye ni 47 nk’uko imibare yatangajwe ibigaragaza.

Abitabye Imana ni abagore umunani b’imyaka 87, 57, 54, 45, 23 (i Kigali), 55 (i Nyamagabe), 37 (i Kamonyi) na 36 (i Rubavu) n’abagabo bane b’imyaka 61 na 51 (i Kigali), 87 (i Nyaruguru) na 72 (i Karongi) , bakaba bahise buzuza umubare w’abantu 465 bamaze kwicwa n’iki cyorezo mu Rwanda.

Abarimo kuvurwa bose hamwe ni 13,625.

Abantu 251,461 bamaze guhabwa doze ya kabiri y’urukingo rwa #COVID19 (AstraZeneca) barimo 111 bayihawe ku wa Gatandatu.

Inzego zishinzwe ubuzima zisaba Abaturarwanda baba abakingiwe n’abatarakingirwa gukomeza kwitwararika birinda kwandura cyangwa kwanduza abandi icyorezo cya COVID-19 gikomeje kugaragaza ubukana mu Rwanda n’ahandi ku isi.