Chelsea igiye gusifurirwa n'amarobo(Robot) yatangiye gusifura imikino y'umupira w'amaguru

Chelsea igiye gusifurirwa n'amarobo(Robot) yatangiye gusifura imikino y'umupira w'amaguru

 Feb 2, 2022 - 08:07

Byamaze kwemezwa ko mugikombe cy'isi cy'amakipe yabaye aya mbere ku migabane yayo, hazakoreshwa amarobo(robot) asifura.

Muri iyi minsi hari icyo abenshi dukunze kwita ruhago igezweho(Modern Football), ahakunze kugaragara impinduka mu mupira w'amaguru zigiye zitandukanye n'uko mbere uyu mupira wakinwaga.

Ikindi gice kiri kugaragaramo impinduka ni imisifurire. Habanje kuza Video Assistant Referee(VAR), ariko noneho hatangiye n'imikoreshereze y'abasifuzi b'amarobo.

Kuva tariki 3 Gashyantare kugeza tariki 12 Gashyantare i Abu Dhabi, hateganyijwe imikino y'igikombe cy'Isi cy'amakipe yatwaye ibikombe by'imigabane yayo ndetse akaba naho hazakoreshwa aba basifuzi b'amarobo nyuma y'uko byanakoreshejwe mu gikombe cy'Abarabu.

Iyi robo izajya ikora nk'umusifuzi wo kurihande kuko biteganyijwe ko azerekeza muri iri rushanwa afite inshingano zo kureba niba mu mukino habayeho kurarira cyangwa nta kwabaye. Sitade izajya iberaho umukino izajya iba yuzuyeho Camera zihuza n'uyu musifuzi, hanyuma mu gihe umukinnyi yaraririye, Camera igahita iha ubutumwa uyu musifuzi maze na we agahita abuha VAR nayo igahita imenyesha Umusifuzi wo mu kibuga hagati.

Ni igikorwa biteganyijwe ko kizajya kimara nibura igice cy'isegonda kugira ngo umusifuzi wo hagati abe yabonye ubutumwa maze umukino ukaba utatakaza iminota myinshi y'ubusa.

Chelsea niyo kipe ya mbere yo mu Bwongereza izakorerwaho iri suzuma nyuma yaho yegukanye igikombe cya Champions League. Chelsea izerekeza muri iyi mikino igeze muri 1/2 kirangiza.

Abasifuzi b'amarobo bazakoreshwa mu gikombe cy'isi Chelsea izitabira(Image:Pulse.ng)

Amarobo azaba afite akazi ko kureba uwaraririye(Net-photo)

Chelsea niyo kipe yo mu Bwongereza izasifurirwa n'amarobo mbere(Net-photo)