Ku munsi w'ejo ku wa Mbere tariki 25 Kanama 2025, nibwo urubanza rwatangiye aho uyu Emani Ellis ubusanzwe ukora akazi ko gucunga umutekano, yavuze ko yakubiswe na Cardi B ubwo bahuraga muri Gashyantare 2018 atwite imfura ye.
Uyu mugabo yavuze ko icyo gihe bari bahuriye ku biro by'ahitwa 'OB-GYN', ubwo yabonaga Cardi B asohotse muri esanseri (Elevator) akimukubita amaso biramurenga arasakuza kubera ibyishimo.
Yavuze ko Cardi B atishimiye uburyo yamubonye agasakuza amuteza abantu ahita amukubita urushyi mu maso ndetse ategeka umurinzi we kumwicaza hasi.
Icyakora Cardi B we yireguye avuga ko Emani Ellis yashakaga kumufata amashusho nta burenganzira amuhaye ndetse biramubabaza cyane kurusha Cardi B, ashimangira ko we atigeze amukoraho ngo amukubite.
Uyu Ellis avuga ko ibyo Cardi B yamukoreye byamwangije amarangamutima, bimutera ubukene kubera amafaranga yatakaje yivuza harimo n'ayo yari yarizigamye.
Yasabye urukiko ko Cardi B yamuha indishyi y'akababaro ndetse akamuriha ibyangiritse byose mu gihe yivuzaga, kongeraho amafaranga yakoresheje yivuza.
Kuri uyu wa Kabiri nibwo urubanza rwakomeje, aho Cardi B aza gukomeza kwiregura.
