Tariki ya 28 Gashyantare 2023, nibwo urukiko rwo muri Leta ya Los Angeles muri Leta zunze ubumwe z'Amerika rwemeje ko Polisi yo muri ako gace itsinzwe urubanza yaregwagamo na Vanessa Bryant umugore wa Kobe Bryant.
Vanessa Bryant akaba yari yajyanye Polisi mu rukiko kubera ko yasohoye amafoto y'umugabo we n'umwana we uburyo bahitanwe n'impanuka ya kajugujugu muri 2020.
Venessa yabwiye urukiko ko impamvu yatanze ikirego ari uko ayo mafoto yamuteye ihungana hamwe n'abane be.
Kobi Bryant n'umukobwa we Gianna baguye mu mpanuka ya kajugujugu
Ikindi kandi Polisi yari yasohoye ayo mafoto Vanessa nta burenganzira abibahereye. Aya mafoto akimara gusohorwa na Polisi bikaba byaranenzwe na benshi.
Luis Li uhagarariye Vanessa mu mategeko, yabwiye itangazamakuru ko Polisi ya Los Angeles igiye kwishyura Vanessa Bryant miliyoni 28 z' amadolari ndetse ko mu by'ukuri amafaranga agiye guhabwa atari yo yatumye atanga iki kirego ahubwo ko yifuzaga ko ababikoze babihanirwa.
Muri Mutarama 2020, nibwo icyamamare mu mukino wa Basketball Kobi Bryant yaguye mu mpanuka ya kajugujugu n'umukobwa we w'imyaka 13 Gianna, hamwe n'abandi barindwi bari kumwe.
Kobi Bryant ari kumwe n'umugore we hamwe n'umukobwa wabo Gianna
