Bruce Melodie yahaye imodoka umugore we

Bruce Melodie yahaye imodoka umugore we

 Feb 5, 2023 - 10:10

Umuhanzi Bruce Melodie yongeye kwerekanye umugore we babyaranye babiri anamuha imodoka.

Umuhanzi Itahiwacu Bruce wamamaye nka Bruce Melodie yongeye kwerekana umugore we Katerina amufasha kwizihiza isabukuru y’amavuko ahita anamuha impano y’imodoka.

Ibi Bruce Melodie yabihamije mu mashusho n’amafoto yashyize kuri Instagram ye agaragaza ko yahaye impano umugore we Katerina, imodoka yo mu bwoko bwa V8 ihagaze agaciro ka miliyoni zigera kuri 80frw.

Mu butumwa uyu muhanzi yanyujije ku rukuta rwe rwa Instagram, yahamije urwo amukunda nyuma yo kumukorera isabukuru y’amavuko y’agatangaza.

Bruce Melodie yagize ati “Ejo, nizihije umugore utangaje watwaye umutima wanjye kandi wabaye urutare rwanjye mu binini no mu bike. Urabikwiye, mfite akantu gato k’umunsi wawe wihariye. Isabukuru nziza nanone rukundo rwanjye”.

View this post on Instagram

A post shared by The Choice (@thechoice_live)

Katerina yishimiye imodoka ya V8 yahawe n'umugabo we Bruce Melodie.

Ni amafoto amagambo yakurikiwe n’amashusho uyu mugore we ari mu modoka nziza ndetse bigaragarako yayishimiye cyane.

Kuva Bruce Melodie yatangira kubana n’umugore we, bwari ubwa kabiri amwerekanye dore ko yaherukaga kumwerekana ubwo yamusezeranyaga ko amugabiye ubusaza bwe kuko yanamuhaye ubusore bwe.

View this post on Instagram

A post shared by The Choice (@thechoice_live)

Katerina yabyaranye abana babiri b’abakobwa aribo Brittah na Ayah Itahiwacu.