Umuraperi Constantinos Tsobanoglou wamenyekanye nka Costa Titch mu muziki mu isi by'umwihariko mu gihugu cye cya Afurika y'Epfo, akaba yaratabarutse ku wa 12 Werurwe 2023.
Uyu muhanzi akaba yarituye hasi agahita yitaba Imana ubwo yari ku rubyiniro mu birori by'iserukiramuco rya Ultra Music mu mujyi wa Johannesburg muri Afurika y'Epfo, bigatangazwa ko yishwe n'umutima.
Ku bw'ibyo rero, umuhango wo gusezera kuri uyu muraperi, wari uteganyijwe ku wa 16 Werurwe, mu rusengero rwa Redemption church i Johannesburg ukaba wari wasubitswe,bitewe nuko abakunzi be batari bakageze muri iki gihugu.
https://thechoicelive.com/umuhango-wo-gusezera-costa-titch-wasubitswe
Ku wa 17 Werurwe 2023, nibwo umuryango w'uyu muhanzi wongeye gutangaza ko ari bushyingurwe none ku wa Gatandatu tariki ya 18 Werurwe 2023.
Itangazo ryasohowe n'umuryango wa Costa Titch ku rukuta rwe rwa Instagram, ryavugaga ko uyu muhango urabera i Bedfordview i saa 02h00, iyi ikaba ari isaha yo muri Afurika y'Epfo.
Costa Titch akaba atabarutse ku myaka 28, aho yavutse ku wa 11 Gicurasi 1995, avukira Johannesburg muri Afurika y'Epfo.
View this post on Instagram
