Cassa Mbungo Andre yatandukanye na AS Kigali yari amaze amezi asaga 19 atoza, nyuma yo gusesa amasezerano muri iyi kipe ubukungu budahagaze neza.
AS Kigali yemeje ko Cassa Mbungo Andre ariwe mutoza wayo mushya tariki 25 Mata 2022, ubwo uyu mugabo yari asimbuye umugande Mike Mutebi wari wungirijwe na Jackson Mayanja urimo gutoza Sunrise kuri ubu.
Gusa muri iyi minsi ntabwo byari byifashe neza muri iyi kipe y'abanyamujyi kuva shampiyona 2022-2023 yatangira, ahanini bitewe n'ikibazo cy'amikoro.
Bivugwa ko kuri ubu abakinnyi ba AS Kigali bamaze amezi abiri yose batazi uko umushahara umera kuko bdaherutse guhembwa.
Umutoza Cassa Mbungo yaje guhitamo gutandukana n'iyi kipe gusesa amasezerano yari afitanye nayo, maze ayisohokamo.
Cassa akigera muri AS Kigali yayifashije gutwara igikombe cy'amahoro, kikaba ari n'icya kabiri yari ayihesheje, ariko ayivuyemo umusaruro udahagaze neza.
Uyu mugabo asize AS Kigali ku mwanya wa 13 ku rutonde rw'agateganyo rwa shampiyona, aho ifite amanota icumi gusa mu mikino 11 imaze gukina.
Cassa yatandukanye na AS Kigali aho ruri gukina babiri
