Umuhanzikazi Uwayezu Ariel uzwi nka Ariel Wayz, binyuze mu ndirimbo ye nshya yise “You should know” yisanze ku rutonde rw’abahanzi bafite indirimbo 10 zikunzwe cyane muri Africa y’iburasirazuba.
Ni mu kiganiro gitondeka indirimbo 10 zikunzwe cyane muri East Africa kuri televiziyo Citizen tv yo muri Kenya “TOP 10: East African Hits song” gikorwa na Dj Flash.
Kuri uru rutonde ruriho indirimbo nka “Kwikwi” ya Zuchu, “Teacher” ya Ykee Benda, “Emelowa” ya Harmonize n’izindi, “You Should Know” ya Ariel Wayz iri ku mwanya wa Kane.
View this post on Instagram
Indirimbo "You should know" ya Ariel Wayz iri muri 5 zikunzwe cyane muri Africa y'iburasirazuba.
Iyi ndirimbo niyo uyu muhanzi aherutse gukorera amashusho dore ko iri ku ndirimbo esheshatu zigize ep ye yise “touch the sky” TTS yashyize hanze kuwa 09 Nzeri 2022.
Iyi ndirimbo “You should know” igaragaza Ariel Wayz mu ishusho itari isanzwe nk’umukobwa witwararitse ndetse aba yibutsa umusore bakundana ko urukundo rumurimo.
N’ubwo kuva atandukanye na Juno Kuziganza ataratangaza ko yaba ari mu rukundo rushya, iyi ndirimbo itangira abwira abakobwa bagenzi be ko ari mu rukundo rushya ndetse umusore uyigaragaramo, avuga ko ariwe mukunzi we mushya.
