Jay-Z na Beyonce bavuze inzu nshya y’akataraboneka muri Leta Zunze Ubumwe za Amerika.
Iyi nzu iherereye mu gace ka Malibu yaguzwe miliyoni 200 z'amadolari, bityo ikaba inzu ihenze cyane yagurishijwe muri leta yose ya Californiya.
Iyi nzu Beyonce na Jay-Z baguze inzu ya kabiri ihenze muri Amerika
Nyuma yo kugura iyi nzu, bakuyeho agahigo kari gasanzweho ka miliyoni 177 z'amadolari. Muri rusange, ni yo nzu ya kabiri ihenze cyane muri Amerika. Inzu ihenze cyane mu gihugu ni inzu yo muri New York City yaguze miliyoni 238.
Inzu yubatswe kuri hegitari 8 zirebana n'inyanja ya pasifika mu gace ka Paradise Cove.
Igishushanyo cyayo cyakozwe na Tadao Ando, umuyapani kabuhariwe mu gushushanya, akaba ari nawe washushanyije inzu Kanye West yaguze muri Malibu.
Iyi nzu ifite agaciro ka miliyoni 200 z'Amadorari
Jay-Z na Beyonce baraba baguze umutungo wa kabiri munini utimukanwa mu gace ka Los Angeles. Muri 2017, baguze inzu mu gace ka Bel-Air kuri miliyoni 88 z’amadolari.
Iyi nzu yubatswe na William Bell, umwe mu bubatsi bubatse izindi nyubako zikomeye ku isi. Byatwaye Bell hafi imyaka 15 kugira ngo yubake ibintu byose birangire.
