Iri rushanwa ryari irya mbere ribereye ku mugabane wa Afurika, rikaba ryaranditse amateka yihariye. Mu byabaye indirimbo y’ibihe byose harimo igitego cya Siphiwe Tshabalala mu mukino wafunguye irushanwa, cyakiranwe ibyishimo n’amajwi y’abafana bari buzuye stade, ndetse n’intsinzi ya mbere y’igihugu cya Esipanye cyaje kwegukana igikombe.
Uretse umupira w’amaguru, icyo gikombe cy’isi cyabaye n’umwanya wo kumurikira amahanga ubwiza n’umwimerere by’umuco nyafurika, binyuzwa mu muziki, imbyino, ubuhanzi n’imigenzo itatse uwo mugabane.
Nk’uko urutonde rwa Sport Bible rubigaragaza, inyuma y’igikombe cy’isi cya Afurika y’Epfo 2010, ku mwanya wa kabiri haje Qatar 2022, hakurikiraho Brazil 2014, Ubudage 2006, Ubufaransa 1998, Mexique 1986, Mexique 1970, Uburusiya 2018, Leta Zunze Ubumwe za Amerika 1994, mu gihe ku mwanya wa 10 haje icya 2002 cyabereye mu Buyapani no muri Koreya.
Kuva icyo gihe, icyo gikombe cy’isi cyabereye muri Afurika y’Epfo 2010 cyahindutse urwibutso rutazibagirana mu mateka ya siporo n’aya Afurika yose.
Igikombe cy'isi cya 2010 cyahize ibindi byose
Muri icyo gikombe cy'isi, Afurika yamuritse umuco binyuze mu mbyino n'ibindi
Ni cyo gikombe cy'isi cya mbere cyari gikiniwe ku mugabane wa Afurika
