Ibi ni ibihembo bigiye gutangirwa mu Rwanda ku nshuro ya kabiri, bikaba bitangwa na Sosiyete ya ‘Chufa Company Ltd’. Ibi bihembo bikaba byaherukaga gutangwa muri Nyakanga 2023, bibera muri Onomo Hotel.
Dore uko ababihataniye bashyizwe mu byiciro:
Uwicyeza Pamella wagaragaye mu mashusho y’indirimbo za The Ben, umuhanzikazi Scillah ugaragara mu mashusho y’indirimbo ya Shaffy na Kayumba Darina ugaragara mu ndirimbo ya Chris Eazy, bahataniye igihembo cya ‘ Best Special Video Vixen’.
Shaddyboo, Lana Boo, Stina, Keesha Kayirebwa na Sonia Kajibanga bahataniye ibihembo mu cyiciro cya cya ‘Best Iconic Video Vixen’.
Shakira Kay, Divine Uwa, Bianca na Juru Ornella basanzwe bazwi cyane mu kubyina ku mbuga nkoranyambaga no mu mashusho y’indirimbo zitandukanye mu Rwanda, bahataniye igihembo mu cyiciro cya ‘Best Dancer Video Vixen’.
Umunyamidelikazi wo muri Tanzania ariko ufite inkomoko mu Rwanda, Jasinta Makwabe ahatanye mu byiciro bibiri birimo Best Popular Video Vixen na Best Video Vixen.
Noella Iliza ahatanye mu byiciro bitatu birimo Best New Video Vixen, Best Popular Video Vixen na Best Creative Video Vixen.
Hari kandi na Juru Ornella nawe uhatanye mu byiciro bitatu birimo Best Video Vixen, Best Photogenic Video Vixen na Best Dancer Video Vixen.
Teta Kumba nawe ahatanye mu byiciro bitatu birimo Best Video Vixen, Best Popular Video Vixen na Best Video Vixen.
Hari kandi Swalla (Irafasha Sandrine Response) uhatanye mu byiciro bine birimo Best Video Vixen, Best Popular Video Vixen, Best Inspirational Video Vixen na Best Photogenic Video Vixen. Uyu akaba ari nawe uahatanye mu byiciro byinshi.
Ntabwo ari aba gusa bahatanye muri ibi bihembo kuko harimo n’abandi bakobwa barimo Nyambo Jesca, Zuba Judy, Alyce Amike, Teta Bittia, Tiana Ella n’abandi.
Swalla niwe uhatanye mu byiciro byinshi bigera kuri bine
