Abakinnyi 10 ba ruhago binjije agatubutse mu 2022, ibifi binini byatangiye kwigizwayo

Abakinnyi 10 ba ruhago binjije agatubutse mu 2022, ibifi binini byatangiye kwigizwayo

 Sep 25, 2022 - 10:55

Bisanzwe bizwi ko Lionel Messi na Cristiano Ronaldo basimburana ku mwanya wa mbere w'abakinnyi ba ruhago binjiza menshi, ariko siko byagenze mu 2022 kuko ntanumwe muri bo uyoboye.

N'ubwo umunya-Portugal Cristiano Ronaldo akomeje kugorwa no kubona umwanya wo kubanza mu kibuga muri Manchester United, ariko aracyari umwe mu bakinnyi b'umupira w'amaguru binjiza agatubutse kurenza abandi ku isi.

Mu 2021 nibwo uyu rutahizamu yagarutse muri Manchester United asinya amasezerano atuma ariwe mukinnyi uhembwa amafaranga menshi muri iyi kipe, n'ubwo kuva haza umutoza Erik Ten Hag yatangiye kubura mu bakinnyi 11 babanza mu kibuga.

Amafaranga ahembwa muri Manchester Uniyes ndetse n'andi akorera mu bikorwa bitandukanye yatumye aza mu bakinnyi bane bo muri Premier league bagaragara ku rutonde rw'abinjije agatubutse, ariko ntibyari bihagije ngo ayobore uru rutonde.

Ni urutonde kandi rugaragaraho abakinnyi batatu ba PSG kuva kuri mukeba wa Ronaldo ariwe Lionel Messi, Kylian Mbappe na Neymar Jr bagize ubusatirizi bw'abanyamujyi b'i Paris.

Ni urutonde rwashyizwe ahagaragara na Sportico ibinyujije muri B/R Football aho umufaransa Kylian Mbappe yahigitse ibi bihangange byose muri uyu mwaka wa 2022 akaba ariwe winjije amafaranga menshi, dore ko aherutse no kongera amasezerano muri PSG.

Kylian Mbappe ayoboye abakinnyi ba ruhago binjije agatubutse mu 2022(Image:CGTN)

Uru rutonde kandi rugaragaraho abandi bakinnyi batandukanye nka Mohamed Salah, Raheem Sterling, Eden Hazard na Andrés Iniesta, aho bose ayo binjije abarirwa muri miliyoni z'amadorari.

Abakinnyi 10 binjije amafaranga menshi ndetse na miliyoni binjije mu madorari