Hashize iminsi bizwi ko ishyirahamwe ry'umupira w'amaguru mu Rwanda, FERWAFA iri gushaka umutoza mushya w'ikipe y'igihugu Amavubi dore ko amasezerano ya Mashami Vincent atongerewe.
Mu minsi ishize kandi FERWAFA yashyize hanze urutonde rw'abatoza bashobora kuvamo umutoza w'Amavubi, ariko amakuru agasohoka avuga ko umunya-Espagne Carlos Alós Ferrer ariwe waba agomba gutoza iyi kipe.
Mu itangazo FERWAFA yashyize hanze kuri uyu wa kabiri, yemeje ko koko umunya-Espagne w'imyaka 46 witwa Carlos Alós Ferrer ariwe mutoza mushya w'ikipe y'igihugu Amavubi ndetse akaba yasinye umwaka umwe.
Menya byinshi ku mutoza Carlos Alós ugiye gutoza Amavubi
Uyu mugabo ufite icense ya UEFA Pro niwe uzaba afite Amavubi mu mikino yo gushaka itike yo kujya mu gikombe cya Afurika kizabera muri Ivory Coast mu 2023, izatangira mu kwezi kwa gatandatu mu 2022.
Itangazo FERWAFA yashyize hanze
Carlos Alós Ferrer ugiye gutoza Amavubi
