Kuri uyu wa Kane nibwo uyu musore wafashije u Bufaransa kwegukana Igikombe cy'isi mu 2018 yifashishije imbuga nkoranyambaga ze atangaza ko agiye guha umwanya we ikipe ye ya Manchester United nyuma yo gusezera mu ikipe y'igihugu y'u Bufaransa.
Kuva mu 2013 ahamagarwa bwa mbere mu ikipe y'igihugu y'u Bufaransa, Raphael Varane yayikiniye imikino 93, uwa nyuma ukaba ari umukino wa nyuma w'Igikombe cy'isi batsinzwemo na Argentine kuri penariti nyuma yo kunganya ibitego 3-3.
Ikemezo Varane yafashe agitangaje nyuma y'iminsi mike uwari kapiteni w'ikipe y'igihugu y'u Bufaransa, Hugo Lloris nawe asezeye ku myaka 36, nawe akaba ari mu bo bafatanyije batwara Igikombe cy'isi cya 2018 ndetse bakanagerana ku mukino wa nyuma mu 2022.
Varane yafashije ikipe y'igihugu y'u Bufaransa kwegukana Igikombe cy'isi
Aba bombi kandi nabo basezeye nyuma ya rutahizamu Karim Benzema watangaje ko asezeye muri iyi kipe nyuma y'iminsi mike Igikombe cy'isi kirangiye, we hakaba harimo no kutumvikana n'umutoza Didier Deshamps.
Isezera rya Varane mu ikipe y'igihugu riraza kuba inkuru nziza ku bakunzi ba Manchester United asanzwe akinira, dore ko nk'uko yabivuze ariyo agiye guha umwanya we wose.
View this post on Instagram
