Urukiko rw’ibanze rwa Akure, umurwa mukuru wa leta ya Ondo, muri Nigeria, rwategetse ko umwana w’imyaka 14, Marvelous Asefon, yoherezwa mu kigo ngororamuco cya Olokuta, kubera icyuma yateye umuturanyi we w’imyaka 17.
Asefon yagejejwe imbere y’urukiko nyuma yo gushinjwa na Polisi, icyaha cy’ubwicanyi.
Umushinjacyaha, Supol Matins Olowofeso, yabwiye urukiko ko uregwa yakoze icyaha ku ya 20 Mata 2023, ahitwa Oka-Akoko mu gace ka Akoko gaherereye mu majyepfo y’iburengerazuba bw’igihugu.
Yasobanuye ko uregwa yishe nyakwigendera, Sunday Ogele amuteye umukasi nyuma yo kurwanira umukobwa.
Icyakora, ushinjwa yahakanye icyaha ariko ubujurire bwe ntibwakiriwe.
