Muyoboke Alex yarokotse impanuka

Muyoboke Alex yarokotse impanuka

 Sep 6, 2022 - 10:30

Alex Muyoboke uzwi mu myidagaduro nyarwanda yakoze impanuka yari gutwara ubuzima bwe ariko Imana ikinga ukuboko.

Alex Muyoboke wagwije ibigwi mu myidagaduro nyarwanda abikesha akazi ko kureberera inyungu z’abahanzi amazemo imyaka isaga 15, yarokotse impanuka y’injyanamuntu.

Uyu mugabo muri iki gitondo cyo kuwa 06 Nzeri 2022 nibwo yashyize ubutumwa ku mbuga nkoranyambaga avuga ko yabonye Imana n’imbaraga zayo nyuma yo kumusimbutsa urupfu we na bagenzi be batatu.

Ubu butumwa yashyize ku mbuga nkoranyambaga ze bwari buherekeje amafoto agaragaza imodoka yakoze impanuka, ikangirika mu buryo bugaragara.

Alex Muyoboke yagize ati “Nasohotsemo ndi muzima ndetse nabo twarikumwe uko Ari 3 NARAYE MBONYE IMANA bagenzi”.

Amakuru The Choice Live yamenye n’uko iyi mpanuka yabaye mu ijoro ryo kuri uyu wa mbere tariki 05 Nzeri mu gihugu cya Uganda ahitwa Muhanga ugana muri Kabare. Iyi mpanuka yatewe n’imodoka nini yo mu bwoko bwa Jaguar yagonze Muyoboke na bagenzi be batatu.

The Choice Live yari isanzwe ifite amakuru ko Alex Muyoboke yerekeje muri Uganda aho yajyanye n’ikipe yari iherekeje The Ben agiye gutaramira mu gitaramo cyiswe “VU Graduation Festival 2022” cyabaye kuwa 03 Nzeri 2022 cyabereye ahitwa Speke Resort Munyonyo kigamije gususurutsa abanyeshuri barangije amasomo muri “Victoria University”.

Alex Muyoboke yamamaye mu kazi ko kureberera inyungu z’abahanzi kuva mu mwaka wa 2006 kugeza 2010 akorana na Tom Close, 2012-12 akorana na Dream Boyz, 2013-16 akorana na Social Mula , 2013-14 Davis D na Charly na Nina 2013 kugeza 2018.

Kuri ubu Alex Muyoboke akorana na Chris Hat ndetse ya nakoranye na Allion Buzindu mu mwaka wa 2019-20.

Alex Muyoboke ni umuyobozi wa Ishusho ltd ikora ibijyanye no gukora amashusho n’amafoto [The Choice live photo]

Imodoka yari itwaye Muyoboke na bagenzi be yangiritse cyane.

View this post on Instagram

A post shared by The Choice (@thechoice_live)