Kuri iki cyumweru mu mikino ya FA cup ikipe ya Liverpool yari yakinnye na Shrewsbury Town ndetse ikipe ya Liverpool yitwara neza itsinda ibitego bine kuri kimwe cya Shrewsbury Town.
Iyi kipe ya Shrewsbury yatangiye ibona igitego ku munota wa 27' cyatsinzwe na Daniel Udoh. Gusa ku munotwa wa 34' umusore wa Liverpool ukiri muto witwa Kaide Gordon yabashije kubonera iyi kipe ya Liverpool igitego cyo kwishyura biba 1-1.
Iki gitego Kaide Gordon yatsinze cyatumye ahita aba umukinnyi utsindiye Liverpool igitego muri FA cup akiri muto cyane kurusha abandi.
Kaide Gordon watsinze iki gitego afite imyaka 17 n'iminsi 96 byatumye akuraho agahigo kari gafitwe na Sheyi Ojo watsindiye Liverpool igitego mu nwaka wa 2015-2016 ubwo bakinaga na Exeter City muri FA cup, Sheyi yari afite imyaka 18 n'iminsi 215.
Ibindi bitego bya Liverpool byatsinzwe na Fabinho kuri penariti, Roberto Firmino ndetse Fabinho atsinda ikindi mu minota yari yongeweho mu mpera z'umukino.
Uyu mukino Liverpool yakinaga na Shrewsbury Town yo mu kiciro cya gatatu, wari umukino wa kabiri Kaide Gordon akiniye Liverpool dore ko umukino wa mbere yawukinnye mu kwezi kwa 11 kwa 2021 ubwo bakinaga na Norwich muri Carabao cup.
Gordon ukinira ikipe y'igihugu y'Ubwongereza y'abatarengeje imyaka 18, yageze muri Liverpool muri Gashyantare 2021 aguzwe miliyoni 3 ava mu ikipe ya Derby Count.
Kaide Gordon yakomeje kwitwara neza ndetse akina neza uwo mukino batsinzemo Derby Count ibitego 3-0. Nyuma y'uyu mukino, umutoza Jurgen Klopp yaramushimagije cyane avuga ko ari umukinnyi mwiza ndetse ukomeje gutera imbere akaba afite ejo hazaza heza cyane hazanafasha Liverpool mu myaka iri imbere.
Kaide Gordon ari kuzamuka neza muri Liverpool(Image:Daily express)
Gordon niwe mukinnyi muto watsindiye Liverpool muri FA cup(Net-photo)
