Ni inkongi y'umuriro yafashe stade Molineux ya Wolverhampton Wonderers guhera saa 1:40 za mu gitondo. Uyu muriro wamaze amasaha abiri ndetse abashinzwe kuzimya 20 nibo babashije guhangana nawo barawuzimya.
Uyu muriro wari watangiriye mu gice cy'iyi stade cyitwa Sir Jack Hayward stand, gusa ku bw'amahirwe nta muntu wakomeretse kuko nta muntu wari uhari ubwo byabaga.
Muri icyo gihe hagaragaraga umwotsi mwinshi ndetse abantu bari begereye iyo stade babwiwe kuhava kugira ngo bataza kuhagirira ikibazo.
Andy Howard ushinzwe ibyo kuzimya kuri sitasiyo ya Wolverhampton yagize ati:"Hari hari umuriro mu kabari, mu gikoni.
"Byari mu cyumba byahereyemo ariko mu kabari no mu mwanya wo gukoreramo haje gufatwa. Ahandi hasigaye hose byari umwotsi gusa."
Howard kandi yakomeje avuga ko bahamagawe saa 1:46 za mu gitondo bakahagera haciyeho iminota itanu gusa.
Amakipe yose ava muri Wolverhampton, Fallings park, Willenhall na Bilston zose zakuwe hafi aho ndetse umuhanda urafungwa. Abazimya umuriro bavuye aha saa 6:45 kuri iki cyumweru.
Ikipe ya Wolves yakinnye ku wa Gatandatu aho iyi kipe ya Bruno Lage yatsinze Brentford ibitego 2-1. Ubu iyi kipe yicaye ku mwanya wa munani ku rutonde rw'agateganyo rwa shampiyona ikaba irushwa amanota ane n'ikipe ya kane.
Stade ya Wolverhampton yafashwe n'inkongi y'umuriro(Daily star)
Wolves yatsinze Brentford ibitego 2-1(Net-photo)
